ain.az, GlobalInfo portalına istinadən məlumat verir.
Berlin Rusiya pilotsuz təyyarələrinə gizli zərbə hazırlayır.
Globalinfo.az xəbər verir ki, bu barədə “Bild” qəzeti öz mənbələrinə istinadən məlumat yayıb.
Qeyd olunur ki, planı nazir Aleksandr Dobrindtin rəhbərlik etdiyi Almaniya Daxili İşlər Nazirliyi hazırlayır.
Lakin pilotsuz təyyarələrə qarşı güc tətbiqi ilə bağlı yekun qərarı Müdafiə Nazirliyi verəcək.
Nəşrin qeyd etdiyi kimi, sənəd qeyri-qanuni pilotsuz uçan aparatların aşkarlanması və müəyyən edilməsi, elektron əks-tədbirlərin tətbiqi və onlara nəzarətin qarşısının alınması üzrə tədbirləri nəzərdə tutur. Dronların məcburi məhv edilməsi son çarə hesab olunur. Bundan əlavə, Almaniya hökuməti hava limanları üzərində icazəsiz uçuşlara görə cəzaları sərtləşdirməyi planlaşdırır.
Son həftələr Rusiya bir neçə NATO ölkəsinin hava məkanını pozub. Əvvəlcə 19 dron Polşaya hücum edib. Daha sonra bir pilotsuz təyyarə Rumıniyaya uçub, ardınca isə Rusiyanın üç qırıcısı Baltik dənizi üzərində Estoniyanın hava məkanını pozub.
Əliyar Xəlil
Globalinfo.az
Ən son xəbərləri və yenilikləri almaq üçün ain.az saytını izləyin.
