Biz elə bir dövrdə görüşürük ki, iqlim böhranı artıq qaçılmaz hala gəlib. Temperaturun artması milli ekosistemə ciddi zərər vurur. Keçən il Azərbaycan COP29 çərçivəsində konkret nəticələr əldə etməyi hədəf kimi müəyyən etmişdi.Metbuat.az-ın məlumatına görə, bunu İqtisadiyyat nazirinin müavini Səməd Bəşirli Bakı İqlim Fəaliyyəti Həftəsi-2025 tədbirində bildirib.
"Azərbaycan yaşıl inkişaf və ekoloji mühitlə bağlı aydın hədəflər qoyub. 2026–2030-cu illər üçün konkret fiskal siyasət hazırlanıb. Neft sektorunda artım 6,5 faiz təşkil edib ki, bu da milli iqtisadiyyatın 65 faizinə bərabərdir. Özəl sektor isə ÜDM-in təxminən 80 faizinə töhfə verir", - nazir müavini qeyd edib.Gülbəniz Hüseynli / Metbuat.az
