Ağdamın F-2 yaşayış massivində genişmiqyaslı bərpa və abadlıq işləri görüləcək.
Far.Az-in məlumatına görə, bu məqsədlə Ağdam, Füzuli və Xocavənd rayonlarında Bərpa, Tikinti və İdarəetmə Xidməti açıq müsabiqə elan edib.
Layihə çərçivəsində enerji təsərrüfatı obyektlərinin, sahədaxili mühəndis-kommunikasiya sistemlərinin (su, kanalizasiya, elektrik təchizatı, xarici işıqlandırma), həmçinin yol və səkilərin inşası, yaşıllaşdırma və abadlıq işləri nəzərdə tutulur.
Müsabiqənin ümumi dəyəri 9 milyon 675 min manat müəyyən olunub.
Qeyd edək ki, bu tenderin icrası Ağdamda yeni formalaşan yaşayış massivində müasir infrastrukturun qurulmasına imkan verəcək. Su, kanalizasiya, elektrik və işıqlandırma sistemlərinin yenilənməsi sakinlərin rahatlığını artıracaq, yol və səkilərin salınması isə hərəkəti asanlaşdıracaq. Eyni zamanda, yaşıllaşdırma və abadlıq işləri ərazinin daha gözəl və yaşayış üçün əlverişli olmasına xidmət edəcək.
Yəni layihə həm sosial şəraitin yaxşılaşmasına, həm də məcburi köçkünlərin və yeni sakinlərin daha rahat mühitdə yaşamasına mühüm töhfə verəcək.
