BAKI, 30 sentyabr. TELEQRAF
Türkiyə ilə Azərbaycan arasındakı münasibətləri həm daxili, həm də xarici qüvvələr pozmağa çalışır.
Teleqraf xəbər verir ki, bu sözləri Türkiyənin Azərbaycandakı səfirliyinin mətbuat müşaviri Alptekin Cihangir İşbilir son günlər Türkiyənin bəzi media orqanlarında Azərbaycana qarşı dezinformasiya xarakterli (“fake-news”) məlumatların yayılmasına münasibət bildirərkən deyib.
"Türkiyə ilə Azərbaycan arasındakı münasibətləri pozmağa çalışan həm daxili, həm də xarici qüvvələr var. Biz bunlara qarşı bərabər mübarizə aparmalıyıq. Sosial şəbəkə üzərindən aparılan bu kimi kampaniyalarına ciddi yanaşmamağın tərəfdarıyam", - müşavir qeyd edib.
