Azpolitika.az saytından verilən məlumata əsasən, ain.az məlumatı açıqlayır.
ABŞ administrasiyası Venesuela Prezidenti Nikolas Maduronu devirmək üçün yeni və daha sərt bir plan üzərində işləyir.
"The New York Times"-ın məlumatına görə, Vaşinqtonda keçirilən gizli toplantılarda hərbi müdaxilə variantı masaya qoyulub.
Xəbərdə bildirilir ki, planın öncüllərindən biri ABŞ-nin Dövlət katibi və Milli Təhlükəsizlik müşaviri Marko Rubiodur.
Məlumata görə, Ağ Evdə Maduronu hakimiyyətdən uzaqlaşdırmaq üçün birbaşa hərbi əməliyyat variantı müzakirə olunub. Rubio ilə yanaşı CIA direktoru Con Ratkliff və Trampın baş müşavirlərindən Stiv Miller də bu strategiyanı dəstəkləyir.
ABŞ Ədliyyə Nazirliyi hələ 2020-ci ildə Maduronu narkotik qaçaqmalçılığı ittihamı ilə cinayət məsuliyyətinə cəlb etmişdi. Dövlət Departamenti isə onun tutulmasına kömək edəcək məlumat üçün mükafatı 50 milyon dollara qaldırıb.
Venesuela müxalifəti də Vaşinqton ilə əlaqədə olduqlarını təsdiqləyib. Planlara görə, Maduro devrildikdən sonra hakimiyyətin müvəqqəti olaraq Edmundo Qonsalesə verilməsi nəzərdə tutulur. Müxalifət lideri Mariya Korina Maçado ABŞ-da Marko Rubio ilə gizli görüşlər aparıb. Müxalifət nümayəndələri Maduronun devrilməsindən sonrakı ilk 100 saat üçün detallı fəaliyyət planı hazırladıqlarını açıqlayıb.
"AzPolitika.info"
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
