Şou-biznes dünyasında məşhurların tez-tez evlənib boşanması yeni xəbər deyil. Amma bəzi ulduzlar bu sahədə "rekord" sayılacaq qədər evlilik sayı ilə diqqət çəkirlər.
Far.Az-in araşdırmasına görə, dünya miqyasında ən çox evlənən və boşanan məşhurlardan biri Hollivud aktrisası Elizabet Teylor olub. O, 8 dəfə nikah masasına oturub, 7 dəfə boşanıb. Onun bu həyatı uzun illər mətbuatın gündəmindən düşməyib.
Çoxsaylı nikahları ilə tanınan digər ulduzlardan Zsa Zsa Gabor 9 dəfə, aktyor Mickey Rooney 8 dəfə, musiqiçi Jerry Lee Lewis isə 7 dəfə evlənib. Hollivud ulduzu Tony Curtis və aktyor Rex Harrison isə 6 nikah həyatı ilə yadda qalıblar. Müasir dövrdə də bu mövzuda adı ən çox hallanan məşhurlardan biri Kim Kardashian olub – o, 3 dəfə evlənib və hər dəfə boşanması media gündəminə çevrilib.
Türkiyəli məşhurlar arasında isə Yeşim Salkım ön plandadır. Müğənni indiyədək 5 dəfə evlənib və 5 dəfə boşanıb. Onun ardınca gələn digər sənətçilərdən Demet Akalın iki dəfə, arabesk musiqinin ulduzu İbrahim Tatlıses isə iki dəfə evlilik təcrübəsi yaşayıb. Petek Dinçöz də bir neçə dəfə nikah masasına oturan məşhurlar sırasındadır.
Mütəxəssislər bildirirlər ki, incəsənət aləmində tez-tez baş verən boşanmaların əsas səbəbi məşhurların gərgin iş qrafiki, ictimai təzyiqlər, həmçinin şəxsi münasibətlərdə yaranan anlaşılmazlıqlardır.
Beləliklə, istər Hollivud, istərsə də digər dünya şou-biznesində tez-tez evlənib boşanan məşhurlar hər zaman medianın diqqət mərkəzində qalır və ictimaiyyətin marağına səbəb olur.
