Azərbaycanın su ehtiyatlarının 78-80 faizi transsərhəd sular hesabına formalaşır.
Missiya.Az xəbər verir ki, bunu Azərbaycan KOBİA İdarə Heyəti sədrinin birinci müavini Samir Hümbətov mətbuat konfransında çıxışı zamanı bildirib.
Onun sözlərinə görə, Cənubi Qafqaz regionunda su ehtiyatlarının 68 faizi Gürcüstana, 28 faizi isə Ermənistana məxsusdur:
"Azərbaycanın böyük su ehtiyatları yoxdur. Mövcud ehtiyatların 78-80 faizi transsərhəd sularla bağlıdır. Buna görə də bu resurslardan səmərəli istifadə və qorunması mühüm əhəmiyyət kəsb edir", – deyə Hümbətov vurğulayıb.
