Polşada “Şimal axını”nda partlayışla bağlı ikinci ukraynalı saxlanılıb.
İnterpress.az xəbər verir ki, bu barədə Polşanın RMF radiosu məlumat yayıb.
Polşada “Şimal axını” qaz kəmərlərinin təxribatında Almaniya tərəfindən şübhəli bilinən daha bir Ukrayna vətəndaşı saxlanılıb.
Məlumata görə, saxlanılan şəxs Almaniya məhkəməsi tərəfindən verilmiş Avropa orderi ilə axtarışda olan Vladimir S.-dir.
Polşa və Almaniya rəsmiləri hələlik vəziyyətlə bağlı rəsmi açıqlama verməyiblər.
Bu, “Şimal axını” partlayışı ilə bağlı ikinci həbsdir. Avqust ayında İtaliyada boru kəmərlərinə hücumu əlaqələndirməkdə şübhəli bilinən daha bir ukraynalı saxlanılıb. İtaliya məhkəməsi onun Almaniyaya ekstradisiyasını sentyabrda təsdiqləyib.
Almaniyadakı müstəntiqlər hesab edirlər ki, bir qrup şübhəli Danimarkanın Bornholm adasına partlayıcı yerləşdirmək üçün Rostokdan etibarlı şəxslər vasitəsilə icarəyə götürülmüş yaxtadan istifadə edib.
Partlayışlar 26 sentyabr 2022-ci ildə baş verib və boru kəmərinin bir neçə xəttinə ciddi ziyan vurub.
Moskva hücuma görə Ukraynanı ittiham etməkdə davam edir.
Kremlin sözçüsü Dmitri Peskov dünən bəyan edib ki, Rusiya “Almaniya təhqiqatının tamamlanacağına ümid edir” və boru kəmərinin sağ qalan hissələrindən birinin istifadə oluna biləcəyini təkid edib.
Xuraman Etibarlı
İnterpress.az
