ain.az, Qafqazinfo portalına istinadən məlumat yayır.
Təsis olunduğu 2018-ci ilən bəri taksi çağırışı xidmətlərini təqdim etməklə fəaliyyət göstərən Dubayın “Yango Group” şirkəti, qısa müddətdə mobililik, e-ticarət, yemək çatdırılması, fintex, əyləncə və digər xidmətləri əhatə edən qlobal rəqəmsal ekosistemə çevrilib. Şirkət 30-dan çox ölkədə – Yaxın Şərq, Cənubi Asiya, Latın Amerikası, Afrika və Avropada – fəaliyyət göstərir və qabaqcıl texnologiyaları gündəlik xidmətlərə çevirərək hər unikal bazarın xüsusiyyətlərinə uyğunlaşdırır.
“Azernews”a verdiyi özəl müsahibəsində “Yango Group”un Biznes üzrə baş direktoru Adeniyi Adebayo və “Yango Azerbaijan”ın rəhbəri Müşviq Həsənov şirkətin təsirli inkişaf yolu, inkişaf etməkdə olan bazarlarda sürətli genişlənməsini və Azərbaycan bazarına dair perspektivli inkişaf baxışı ilə bağlı təfərrüatları bölüşüblər.
Biznesin inkişafının təməl sütunlarından biri kimi hiper- lokallıq
Adebayo qeyd edib ki, hər hansı biznesdə miqyas əldə etmək üçün təməlin möhmək olması vacibdir:
“Təməl nə qədər möhkəm olarsa, mərtəbələr bir o qədər çox ola bilər. Yango Group üçün bu təməl dörd əsas element üzərində qurulur: kapital, texnologiyalar, əməliyyat prosesləri və yerli tələbatlar.”
Bir çox böyük texnoloji şirkətlərdən fərqli olaraq, “Yango Group” inkişaf etmiş bazarlara fokuslanmaq əvəzinə, yeddi il əvvəl inkişaf etməkdə olan bazarlarda fəaliyyət göstərmək qərarına gəlib, onların eksponensial artım potensialına diqqət yetirib. 2018-ci ildə “Yango Ride” Kot-d’İvuar bazarına daxil olanda internetin yayılma səviyyəsi yalnız 18% idi, smartfonların qiyməti təxminən 1.000 dollar təşkil edirdi və mobil internet çox baha idi.
Halbuki “Yango” bunda başqalarının gözündən qaçan fürsəti gördü: “Facebook” və “WhatsApp”ın sürətli artımı rəqəmsallaşmaya olan gizli tələbi göstərdi, cihazlar və mobil internetin qiymətlərinin azalması isə rəqəmsal xidmətlərin geniş yayılmasına yol açdı. Bu gün smartfonların yayılma səviyyəsi 70%-ə çatıb və qiymətləri beş dəfə ucuzlaşıb, bu da rəqəmsal platformaların sürətli inkişafı üçün şərait yaradıb.
Hiper-lokal siqnalların axtarışı fəlsəfəsi “Yango”nun bazar inkişaf strategiyasını formalaşdırıb. Şirkət başa düşüb ki, taksi çağırışı xidməti insanların gündəlik həyatında sadəcə təmas nöqtələrindən biridir. “Gələcək fərdi xidmətlərdə deyil, həqiqi imkan bağlı ekosistemi yaratmaqdır – söhbət birgə işləyən həyatını daha rahat və səmərəli edən, hər bazara uyğunlaşdırılmış məhsullardan gedir.”
Nəticələr bu konsepsiyanı təsdiqləyir: “Yango” bu gün 30-dan çox ölkədə fəaliyyət göstərir, platforma üzərindən 2 milyondan çox insana gəlir imkanı yaradır və hər ay 50 milyondan çox istifadəçiyə xidmət göstərir.
Çoxsaylı transmilli şirkətlər üçün dilemma yaranır: vahid beynəlxalq məhsul təqdim etsinlər, yoxsa yerli şəraitə uyğunlaşsınlar. “Yango” isə istifadəçilərin qlobal şablona uyğunlaşmasını gözləmək əvəzinə, insanların burada və indi olan ehtiyaclarına cavab verən xidmətlər yaratmağa üstünlük verir. Məsələn, Peru paytaxtı Limada şəhər rayonlarının sosial fəallıq xüsusiyyətlərinə görə “mini-şəhərlər” yaratdığı yerlərdə “Yango” tətbiqdə mini-zonalar formalaşdırıb, bu da tərəfdaş sürücülərə yalnız üstünlük verdikləri rayonlarda işləməyə imkan verir.
Başqa nümunə – Pakistandır, “Yango” burada gündəlik həyatın dərin kök salmış mədəni xüsusiyyətinə əsaslanaraq rikşalara xüsusi tarif tətbiq edib. Rikşalar xüsusilə sıx şəhər zonalarında çevik və əlverişli nəqliyyat imkanı təqdim edir. “Yango” həmçinin yerli rəssamlarla əməkdaşlıq edərək mədəni xüsusiyyətləri əks etdirən unikal brendinq yaradıb. Məqsəd yalnız xidməti təşviq etmək deyil, həm də yerli ənənəni hörmətlə yanaşaraq istifadəçilər üçün tətbiq vasitəsilə əlçatan etmək olub.
Bu yanaşma daha geniş fəlsəfəni əks etdirir: texnologiyalar və məhsullar istifadəçilərin həyatına uyğunlaşmalıdır, əksinə yox. “Yango”da hiper-lokallıq sadəcə lokallaşdırma deyil, qlobal miqyası yerli etimada çevirmək yoludur. “İcmalara inteqrasiya olunmaq, yerli konteksti hörmətlə qarşılayaraq və hər bazarda doğma hiss olunan xidmətlər yaratmaqla məqsədimiz dünya üzrə şəhər həyatını daha rahat etməkdir”,- deyə Adebayo vurğulayıb.
O qeyd edib ki, “Yango” əməliyyatlarını “şəhər xidmətləri” spektrinin bir hissəsi kimi görür – insanlar şəhərdə necə hərəkət edir, necə ödəniş edir, necə qidalanır və sifarişlər onlara necə çatdırılır. Şirkət restoranlar, taksi şirkətləri, çatdırılma xidmətləri, rəqəmsal kontent təminatçıları və digər xidmətləri platforma üzərindən bir araya gətirir. Bu inklüziv fəlsəfə partnyorluğu “Yango Group”un DNT-sinin ayrılmaz hissəsinə çevirir.
Partnyorluq – böyüməyə zəmin kimi
“Şirkət başlıca olaraq hökumətlər və şəhər rəhbərlikləri ilə tərəfdaşlıq edir. Bu tərəfdaşlıq kapital yatırmaq, innovasiyaları və məhsulları tətbiq etməklə şəhər xidmətlərini rəqəmsallaşdırmaq və insanların həyatını yaxşılaşdırmaq öhdəliyini ehtiva edir”- deyə Adebayо əlavə edir. Bu fundamental tərəfdaşlıq həm hökumətlərə, həm də vətəndaşlara şamil olunur və xidmətlərin yerli tələblərə uyğun olmasını təmin edir.
“Yango” öz həllərini birbaşa şəhər infrastrukturuna inteqrasiya etməyə açıqdır. Limada, Boqotada və bir sıra digər bazarlarda şirkət yerli provayderlərlə əməkdaşlıq edərək avtobuslara real vaxtda etiketi quraşdırıb, bu da sakinlərə avtobusların harada olduğunu və nə vaxt gələcəyini öyrənməyə imkan verir. Avtobuslar bu şəhərlərdə, xüsusən pik saatlarda, şəhər nəqliyyatının əsasını təşkil etdiyindən, bu sadə inteqrasiya böyük rahatlıq gətirib. Bənzər layihələr Bakı və digər şəhərlərdə də müzakirə olunur.
“Yango”nun xəritələşdirmə və naviqasiya infrastrukturu da az əhəmiyyət kəsb etmir. “Yango Maps” artıq daxili alət olmaqdan çıxıb: indi tərəfdaş taksi şirkətləri tərəfindən geniş istifadə olunur və şəhər sistemlərinə inteqrasiya edilib. Xəritələrin daimi yerli yenilənməsinə, hərəkət axınlarının nəzərə alınmasına və hadisələr üzrə hesabatların hazırlanmasına sərmayə qoymaqla, “Yango” sürücülərə yol şəraitinə daha sürətli reaksiya verməyə kömək edir və eyni zamanda şəhərlərə insanların hərəkətini daha yaxşı anlamaq imkanı verir.
Azərbaycan bazarı üçün 100 milyon dollarlıq investisiya və perspektivli baxış
“Yango Group” Azərbaycan bazarına 100 milyon dollar investisiya edib ki, bu da şirkətin ölkənin rəqəmsal transformasiyasına uzunmüddətli bağlılığını vurğulayır. “Yango Azerbaijan” rəhbəri Muşviq Həsənov şirkətin bazara çıxmasından təxminən üç il keçməsinə baxmayaraq sürətli irəliləyişi qeyd edib: “Biz Yango Ride ilə başladıq, bu gün isə Yango gündəlik işləri asanlaşdıran super-tətbiqə çevrilib. Taksi çağırmaqdan restoran və ərzaq mağazalarına çatdırılmaya, logistika, real vaxt marşrutlar üçün ‘Navigator’ və ictimai nəqliyyatla səyahətləri planlaşdırmaq üçün ‘Transport’ – indi hamısı tanış bir tətbiqdə əlçatandır.”
Bu investisiya “Yango”nun texnoloji tərəfdaş və şəhər xidmətlərini təşkil edən qurum kimi rolunu möhkəmləndirir, qlobal innovasiyaları gətirir və həlləri Azərbaycanın yerli tələblərinə uyğunlaşdırır.
Azərbaycan: İnnovasiyaların regional mərkəzi
“Yango Azerbaijan” şirkətinin rəhbəri Müşviq Həsənovun sözlərinə görə, şirkət Azərbaycan bazarını potensial regional innovasiya mərkəzi kimi görür. “Biz Azərbaycanda bütün region üçün trendləri müəyyən edə biləcək enerji və istedada malik bir ölkə görürük. Yango artıq bazara 100 milyon dollar həcmində investisiya yatırıb və məqsədimiz – yerli mütəxəssislərlə birlikdə perspektivli həllər üzərində işləyərək burada mövqelərimizi gücləndirməkdir. Azərbaycan innovasiya və ekspertiza mərkəzinə çevrilmək üçün güclü baza sahibidir və biz xidmətlərimizi genişləndirdikcə bu inkişafı dəstəkləməyə və ondan öyrənməyə çalışırıq”, - deyə Həsənov izah edib.
O əlavə edib ki, “Yango”nun uğuru yalnız böyümə ilə deyil, həm də yerli ekosistemin gücü ilə ölçülür: “Biz hesab edirik ki, vahid rəqəmsal mərkəz kimi fəaliyyət göstərən, hər bir əməkdaşın təcrübəsinə və ideyasına dəyər verilən bir ekosistem yaratmağa nail olmuşuq. Eyni zamanda bizim ambisiyalarımız daha genişdir – biz texnologiyalar və insan kapitalını birləşdirən fiziki innovasiya mərkəzlərinə investisiya qoymaq istəyirik. Bu kontekstdə məqsədimiz regional “Yango Hub” – əsl Ekspertiza Mərkəzi yaratmaqdır ki, bu da yerli innovasiya ekosisteminin inkişafını möhkəmləndirib sürətləndirəcək.”
“Universal” yanaşmanın nadir hallarda işlədiyini qəbul edən "Yango Azərbaycan"da xidmətlərini daim lokallaşdırır: COP29 zamanı şirkət xüsusi tariflər tətbiq edib, sürücülərə əlavə təlimlər keçib, hava limanı qonaqları üçün naviqasiya və ayrılmış dayanma zonaları təqdim edib, Formula 1 üçün isə Bakıda bağlanmış yolların real vaxtda izlənməsi və təklif olunan dayanma məntəqələri funksiyalarını əlavə edib, şəhər məhdudiyyətlərini isə hər il yeniləyib. Digər lokallaşdırılmış funksiyalara sıx hərəkət şəraitində yaxın avtomobilə sürətli çıxış imkanı verən “ən sürətli seçim” daxildir – bu alət ilk olaraq Bakı üçün hazırlanıb və yüksək tələbat səbəbindən saxlanılıb.
Azərbaycan sürücülərə yönəlmiş innovasiyalar üçün sınaq meydanına çevrilib – loyallıq proqramları, ani ödənişlər və sifarişlər üçün çevik şərtlər – bunların çoxu tərəfdaş taksi şirkətləri ilə sıx əməkdaşlıq və operativ əks-əlaqə (feedback) nəticəsində sonradan digər bazarlara da yayılıb. Bazarda əlavə innovasiyalara kəşbək üzrə birgə layihələr və tətbiq daxili alış funksiyaları daxildir ki, bu da “Yango”nun yerli biznes və dövlət qurumlarını öz platforma ekosisteminə inteqrasiya etməkdə nə qədər çevik olduğunu göstərir.
Nəticə etibarilə, “Yango Group” qlobal texnologiyaları yerli miqyasda əhəmiyyət kəsb edən gündəlik xidmətlərə çevirmə missiyasını davam etdirir. Şirkət strateji kapital yatırımları, adaptiv texnologiyalar və səlahiyyətli yerli komandaları birləşdirərək inkişaf etməkdə olan bazarların böyük potensialını açır, sadiq, çevik və dərin inteqrasiya olunmuş tərəfdaşlıqlar vasitəsilə dünyada rəqəmsal xidmətlərin təqdim olunması yanaşmasını dəyişir.
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
