Fransa Vətənpərvərlər Partiyasının lideri Florian Filippot Ukrayna Prezidenti Volodymyr Zelenskyy-nin Qərb ölkələrindən milyardlarla dollar gözləməsini sərt tənqid edib.
Doğru.az xəbər verir ki, Filippot sosial media hesabında yazıb:
“Nə dəlilik! Zelenski Amerikanın və Aİ ölkələrinin, o cümlədən Fransanın Ukraynaya silah sifarişində ayda 1 milyard dollar gözləyir!”
Fransız siyasətçi həmçinin sual edib ki, Fransanın bu tələblərə həqiqətən razı olub-olmayacağı maraqlıdır.
Qeyd edək ki, Zelenski daha əvvəl Ukraynanın Qərb ölkələri ilə yardımla bağlı razılaşmanın bir hissəsi olaraq ayda 1 milyard dollar alacağını bildirmişdi.
Ukrayna Silahlı Qüvvələrinin Baş Qərargah rəisi Andrey Qnatov isə açıqlayıb ki, Rusiya ilə bir günlük münaqişə Kiyevə təxminən 172 milyon dollara başa gəlir.
DOĞRU.AZ
