Çexiya prezidenti Petr Pavel parlament seçkiləri ərəfəsində ölkə vətəndaşlarına müraciət edərək onları “bizi Rusiyanın mərhəmətinə buraxmayacaq” hökumət seçməyə çağırıb...
Poliqon bu barədə ČT24 telekanalına istinadən xəbər verir.
Pavel qeyd edib ki, Avropada və bütövlükdə dünyada təhlükəsizlik vəziyyətinin pisləşməsi ilə əlaqədar qarşıdan gələn seçkilərdə çox təhlükə var. Çexiyaya Aİ və NATO-ya üzvlük əsasında təhlükəsizliyi təmin edəcək hökumət lazımdır, prezident vurğulayıb.
"Bizə demokratik ölkələr birliyi daxilində suverenliyimizi müdafiə edəcək və bizi Rusiyanın mərhəmətinə və onun Mərkəzi və Şərqi Avropada təsir dairəsini bərpa etmək istəyinə buraxmayan hökumət lazımdır", Pavel bildirib.
Çexiyada parlament seçkiləri oktyabrın 3 və 4-də keçiriləcək.
Poliqon.info
