Rusiya prezidenti Vladimir Putin Çin Xalq Respublikasının yaranmasının 76-cı ildönümü münasibətilə Çin Xalq Respublikasının sədri Si Cinpinə təbrik ünvanlayıb...
Poliqon xəbər verir ki, teleqramın mətni Kremlin saytında dərc olunub.
Məktubda Putin qeyd edib ki, Çin sosial-iqtisadi, elmi və texnoloji sahələrdə inamla inkişaf etməkdə davam edir, beynəlxalq arenada mövqeyini möhkəmləndirir və qlobal problemlərin həllinə mühüm töhfə verir. Prezident vurğulayıb ki, Rusiya-Çin münasibətləri görünməmiş səviyyəyə çatıb, bunu Tyantszin və Pekində keçirilən son görüşlər də təsdiqləyir.
Putinin sözlərinə görə, əldə olunmuş razılaşmaların həyata keçirilməsi hərtərəfli tərəfdaşlıq və strateji qarşılıqlı fəaliyyətin daha da möhkəmlənməsinə töhfə verəcək, irimiqyaslı birgə layihələrin həyata keçirilməsinə şərait yaradacaq, hər iki ölkə xalqlarının maraqlarına cavab verəcək.
Poliqon.info
