Dövlətlə vətəndaş arasında dialoq olmadan hüquqi dövlət tam qurula bilməz. Vətəndaş cəmiyyəti institutlarının təşəbbüsləri, maarifləndirmə layihələri, ictimai müzakirələr və beynəlxalq proqramlarda tərəfdaşlıq bu əməkdaşlığın formalarını göstərir. Baş Prokurorun islahat kursunda açıq dialoq mühüm yer tutur. Çünki ictimaiyyətin səsini eşitmək, ictimai etimadı qazanmaq hüquqi dövlət üçün sadəcə üstünlük deyil, zərurətdir.
Şəffaflıq yalnız prosedur deyil, həm də dəyərdir. Maarifləndirmə yalnız bilik ötürmək deyil, həm də hüquqi şüuru formalaşdırmaqdır. İnsan hüquqları isə yalnız normativ aktlarda yazılan norma deyil, insanın vicdanla yaşamaq haqqıdır. Prokurorluq və vətəndaş cəmiyyəti birgə işlədikcə bu dəyərlər daha da güclənəcək.
Mən hesab edirəm ki, prokurorluğun gücü onun qanunvericilikdə yazılmış səlahiyyətlərində deyil, cəmiyyətin yaddaşında buraxdığı ədalət izindədir. Əgər vətəndaş prokurorluğa baxanda dövlətin sərt əlini deyil, ədalətin nəfəsini görürsə - deməli, bu institut öz missiyasını yerinə yetirib.
Azərbaycan Respublikasının Prokurorluq orqanlarının yaradılmasının 107-ci ildönümü münasibətilə bütün prokurorluq əməkdaşlarını ürəkdən təbrik edirəm. Onların fəaliyyəti hüququn aliliyinin, ədalətin və dövlətimizin möhkəmliyinin təmin olunmasında əvəzsiz rol oynayır. Bu ağır, eyni zamanda şərəfli və yüksək məsuliyyətli peşədə çalışan hər kəsə möhkəm cansağlığı, vicdanla və qanunçuluqla xidmət yollarında uğurlar arzulayıram".
Təklifinizi, şikayətinizi bizə yazın. Sizi dinlərik. 055 634 88 31
