Brokkoli sağlam qidalanmanın ayrılmaz hissəsi olan yaşıl tərəvəzdir. Vitaminlər və minerallarla zəngin olan brokkoli həm immuniteti gücləndirir, həm də ürək-damar, sümük və sinir sistemi üçün faydalıdır.
E-saglam.az xəbər verir ki, 100 qram çiy brokkoli təxminən 30-35 kcal, 2,6 q zülal, 6 q karbohidrat və 2,4 q lif ehtiva edir.
Əsas faydaları:
İmmunitet: Vitamin C, beta-karoten və sink sayəsində bədəni infeksiyalara qarşı qoruyur.
Ürək-damar sağlamlığı: Pis xolesterolu azaldır, qan dövranını yaxşılaşdırır və qan təzyiqini tarazlayır.
Sümük sağlamlığı: Kalsium və K vitamini ilə sümükləri möhkəmləndirir, osteoporoz riskini azaldır.
Sinir sistemi və enerji: B vitaminləri, maqnezium və dəmir beyin funksiyalarını gücləndirir və enerjini artırır.
Göz sağlamlığı: Lutein, zeaksantin və vitamin A ilə görməni qoruyur.
Qan şəkəri və xolesterol: Lif və sulforafan sayəsində qan şəkəri və xolesterol səviyyəsini tənzimləyir.
Bağırsaq sağlamlığı: Prebiotik təsiri ilə həzm sistemini dəstəkləyir və bağırsaq mikroflorasını qoruyur.
Xərçəng əleyhinə: Antioksidantlar və sulforafan hüceyrələri qoruyur, xərçəng riskini azaldır.
Hormon balansı və iltihab: Tərkibindəki fitonutrientlər hormon sistemini dəstəkləyir və iltihabı azaldır.
Ağız və diş sağlamlığı: Kalsium və fosfor dişləri gücləndirir və diş ətlərini qoruyur.
Məsləhət etmək istərdik ki, Brokkoli çiy və ya yüngül buxarda bişmiş formada istehlak edilməlidir. Orqanik brokkoli daha faydalıdır, pestisidlərin mənfi təsirindən qoruyur. Sağlam həyat və balanslı qidalanma üçün gündəlik rasiona brokkolini əlavə etmək tövsiyə olunur.
Tərcümə: Nəzrin Abbas
E-saglam.az
