ABŞ Rusiyanın enerji infrastrukturuna qarşı uzaqmənzilli raket zərbələri üçün Ukraynanı kəşfiyyat məlumatları ilə təmin edəcək.
Bu barədə “The Wall Street Journal” ABŞ rəsmilərinin bəyanatlarına istinadən məlumat verib.
Məlumata görə ölkə rəsmiləri NATO ölkələrini də analoji dəstək verməyə çağırırlar.
Qəzetin adı açıqlanmayan mənbələrə istinadən verdiyi məlumata görə, Ukraynaya əlavə kəşfiyyat məlumatı vermək icazəsi Trampın sosial şəbəkədə Ukraynanın Rusiya tərəfindən işğal olunmuş bütün ərazilərini geri qaytara biləcəyindən bəhs edən mesajından bir qədər əvvəl verilib.
Həmçinin bildirilir ki, Tramp administrasiyası Ukraynanı Rusiyanın daxilində daha çox hədəfə zərbə endirməyə imkan verəcək silahlarla təmin etməyi də nəzərdən keçirir.
Burada söhbət, “Tomahawk” və “Barracuda” kimi qanadlı raketlərinin çatdırılmasından gedir ki, bununla bağlı hələlik yekun qərar verilməyib.
