Ukrayna hərbi qüvvələri hücum pilotsuz uçan aparatlarına qarşı mübarizə təcrübələrini bölüşərək Avropaya “dron divarı”nın inşasına kömək etməyə başlayıb.
Busaat.az xəbər verir ki, bu barədə Ukrayna prezidenti Volodimir Zelenski öz Teleqram kanalında məlumat verib.
“Uşaqlarımız artıq Danimarkadadır. Onlar hücumçu dronlarını necə aşkar etməyi və vurmağı bilən təcrübəli ukraynalıdırlar. Onlar artıq öz missiyalarına başlayıblar. Və biz bu təcrübəni bölüşməyə hazırıq. Bu, yalnız başlanğıcdır – bütün Avropanı qorumaq üçün effektiv “dron divarı”nın yaradılması istiqamətində ilk addımdır”, – deyə o, yazıb.
Zelenski həmçinin daha çox ölkəni PURL təşəbbüsünə qoşulmağa və təcili olaraq 19-cu anti-Rusiya sanksiyalar paketini qəbul etməyə çağırıb.
Yeganə
