Azpolitika.az saytından əldə olunan məlumata görə, ain.az məlumat yayır.
Avropa İttifaqı (Aİ) liderləri Kopenhagendə keçirilən görüşdə Avropada dondurulmuş 140 milyard avro dəyərində Rusiya aktivlərinin Ukraynaya yardım məqsədilə istifadəsi məsələsində razılığa gələ bilməyiblər. Bu barədə *Financial Times* məlumat yayıb.
Belçika bu aktivlərin istifadəsi zamanı risklərin digər Aİ ölkələri ilə bölüşdürülməsini və Moskvanın mümkün hüquqi iddialarına qarşı qoruyucu mexanizmlərin yaradılmasını tələb edib. Fransa və Lüksemburq nümayəndələri də hüquqi nəticələr barədə narahatlıqlarını ifadə ediblər.
Digər ölkələr prinsipial olaraq bu ideyanı dəstəkləsələr də, Avropa Komissiyasına hüquqi və maliyyə detallarını hazırlamaq tapşırılıb. Bu məsələnin mürəkkəbliyi səbəbindən təklifin yaxın üç həftədə Brüsseldə keçiriləcək növbəti sammitə qədər hazır olması real görünmür.
Paralel olaraq, dondurulmuş rus aktivlərinin Ukraynaya verilməsi məsələsi “Yeddilər Qrupu”nun (G7) maliyyə nazirləri arasında keçirilən onlayn görüşdə də müzakirə olunub. Aİ nümayəndələri tərəfdaşlarını bu təşəbbüsə qoşulmağa təşviq etməyə çalışıblar.
*Politico* nəşri yazır ki, Avropa Mərkəzi Bankı avroya olan beynəlxalq etimadın azalmasından narahatdır. Lakin ABŞ və Yaponiyanın dəstək addımları bu riskləri yumşalda bilər.
Almaniya kansleri Fridrix Merz isə əvvəlcə bu vəsaitin Ukraynaya kuponsuz istiqrazlar və reparasiya kreditləri formasında verilməsini dəstəkləyib.
Digər tərəfdən, 30 sentyabrda Rusiya Prezidenti Vladimir Putin xarici aktivlərin mümkün ələ keçirilməsinə cavab olaraq federal aktivlərin satışı ilə bağlı yeni qaydaları təsdiqləyib. *Bloomberg* xəbər verir ki, Moskva bu aktivləri milliləşdirməyə və sürətlə satışa çıxarmağa hazırdır.
“AzPolitika.info”
Daha ətraflı məlumat və yeniliklər üçün ain.az saytını izləyin.
