İstanbul, 2 oktyabr, Günel Karatepe, AZƏRTAC
Mərmərə dənizində 5 bal gücündə zəlzələ baş verib. Yeraltı təkanların episentri Türkiyənin Tekirdağ vilayətinin Marmaraereğlisi bölgəsidir.
AZƏRTAC xəbər verir ki, Türkiyənin Təbii Fəlakət və Fövqəladə Halların İdarə Olunması Baş İdarəsindən (AFAD) yayımlanan açıqlamaya əsasən zəlzələ yerli vaxtla saat 14:55-də qeydə alınıb. Yeraltı təkanların ocağı dənizin 6,71 kilometr dərinlikdə olub.
Zəlzələ İstanbul olmaqla bir çox bölgələrdə hiss edilib.
