Azertag saytından verilən məlumata görə, ain.az xəbər verir.
Yevlax, 2 oktyabr, AZƏRTAC
Tacikistanlı rəqibimi 1/4 finalda üstələdikdən sonra özbəkistanlı idmançını nokdaunla məğlub edərək finala yüksəldim.
Bu sözləri AZƏRTAC-a açıqlamasında Azərbaycanın ev sahibliyi etdiyi III MDB Oyunlarında 48 kiloqram çəki dərəcəsində finala yüksələn boksçumuz Gülər Hüseynova söyləyib.
İdmançı rəqiblərin kifayət qədər güclü olduğunu, lakin qələbəyə inandıqlarını deyib: “Yarışların “doğma divarlar” arasında keçirilməsi bizə əlavə güc verir. Mənim də əsas hədəfim finalda qızıl medala sahib olmaqdır”.
“İnanıram ki, yaş qrupundan asılı olmayaraq, boksçularımız daim irəli gedəcək”, – deyə idmançı vurğulayıb.
Qeyd edək ki, Gülər Hüseynova iki dəfə ölkə çempionu olub, Avropa birinciliyində isə üçüncü yeri tutub.
Hadisənin gedişatını izləmək üçün ain.az saytında ən son yeniliklərə baxın.
