Blaze Metreveli Böyük Britaniyanın Xarici Kəşfiyyat Xidməti Mİ6-nın rəhbəri postuna təyin edilib və o, bu vəzifəni tutan ilk qadın olub. Bu barədə “The Times” məlumat yayıb. 48 yaşlı Metreveli 1909-cu ildə yaradılan və yalnız 1994-cü ildə rəsmi olaraq tanınan Mİ6-nın tarixində 18-ci və ən gənc rəhbərdir.
Xidmətin rəhbəri 1999-cu ildə xarici kəşfiyyatda işləməyə başlayıb. Metreveli vaxtının çox hissəsini Yaxın Şərqin müxtəlif yerlərində keçirib və ərəb dilini mükəmməl bilir. O, Rusiyaya də yaxşı bələddir. Nəşrin məlumatına görə, Metreveli təyinatından sonra əsas diqqətini Britaniyanın Yaxın Şərqdə təsirini bərpa etməyə yönəldəcək. O, həmçinin sosial mediadan istifadə edərək kəşfiyyat xidmətini daha açıq və şəffaf etməyi planlaşdırır.
Yayda The Daily Mail tabloidində MI6-nın rəhbərinin babası Konstantin Dobrovolskinin Ukraynanın almanlar tərəfindən işğal olunmuş Çerniqov şəhərindən olan nasist əməkdaşı olduğu bildirilib.
Əziz Mustafa
