Bizimyol saytından verilən məlumata görə, ain.az xəbər verir.
Belarus prezidenti Aleksandr Lukaşenko Almaniya xalqını Alman Birlik Günü münasibətilə təbrik edib və ikitərəfli münasibətlərin bərpasını təklif edib.
Bizimyol.info xəbər verir ki, bu barədə Belarus liderinin mətbuat xidməti məlumat yayıb.
Lukaşenko xatırladıb ki, 1990-cı ildə Almaniyanın birləşməsi müasir Avropa tarixində ən əlamətdar hadisələrdən biridir. “İkinci Dünya Müharibəsinin faciəvi nəticələrinə baxmayaraq, belaruslar və almanlar birgə səylər nəticəsində barışıq və əməkdaşlığa aparan yollar tapa bildilər. Həmin təcrübə bu gün də aktualdır və onun nəticələri qorunub saxlanılmalı və gücləndirilməlidir. Biz bir-birimizə doğru müdrik addımlar atmalıyıq”, - deyə Belarus prezidenti müraciətində qeyd edib.
Prezident bildirib ki, Belarus Avropa İttifaqı ölkələri, o cümlədən Almaniya vətəndaşları üçün vizasız gediş-gəlişin uzadılması barədə qərar qəbul edib. “Biz ikitərəfli münasibətləri bərpa etmək üçün sərhəd və digər maneələri aradan qaldırmaq üçün birgə işləməyi təklif edirik. Bu, indiki vaxtda asan olmayacaq, lakin bu, ölkələrimizin və xalqlarımızın həqiqi maraqlarına tam cavab verir”, - deyə Lukaşenko qeyd edib.
O, həmçinin Almaniya xalqına sülh, xoşbəxtlik və firavanlıq arzulayıb.
Qadir, Bizimyol.info
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
