Qafqazinfo saytından alınan məlumata görə, ain.az bildirir.
Beyləqan Rayon İcra Hakimiyyətinin təşkilatçılığı ilə 5 Oktyabr – Beynəlxalq Müəllimlər Gününə həsr olunmuş təntənəli tədbir keçirilib.
“Qafqazinfo” xəbər verir ki, Beyləqan RİH başçısı Əziz Əzizov tədbir iştirakçılarını salamlayaraq bütün müəllimləri Beynəlxalq Müəllimlər Günü münasibətilə ürəkdən təbrik edib. O, müəllimlik peşəsinin cəmiyyətin mənəvi dayağı olduğunu, gənc nəslin vətənpərvər, savadlı və müasir dünyagörüşünə malik vətəndaş kimi yetişdirilməsində pedaqoqların əvəzsiz xidmətlər göstərdiyini vurğulayıb.
RİH başçısı qeyd edib ki, artıq ikinci ildir Beyləqanda Müəllimlər Günü yüksək səviyyədə, təntənəli şəkildə qeyd olunur. O, bu ənənənin müəllimlərə olan böyük hörmət və ehtiramın bariz nümunəsi olduğunu bildirib.
Çıxışında Ulu Öndər Heydər Əliyevin təhsil sahəsinə göstərdiyi xüsusi diqqət və qayğıdan danışan Ə.Əzizov, həmin siyasətin bu gün ölkə başçısı, Müzəffər Ali Baş Komandan cənab İlham Əliyev və Birinci vitse-prezident Mehriban xanım Əliyeva tərəfindən uğurla davam etdirildiyini diqqətə çatdırıb. O qeyd edib ki, dövlətimiz tərəfindən son illərdə yeni məktəb binaları və təhsil ocaqları tikilərək istifadəyə verilir, təhsil müəssisələrinin maddi-texniki bazası gücləndirilir, müəllimlərin sosial rifahının yaxşılaşdırılması istiqamətində mühüm addımlar atılır.
Beyləqan RİH başçısı daha sonra peşə bayramlarına görə təhsil işçisi olan şəhid ailələrinə gül və hədiyyələr, rayon üzrə bir qrup təhsil işçisinə isə Rayon İcra Hakimiyyətinin Fəxri Fərmanı və hədiyyələri təqdim edib.
Tədbir rayon Mədəniyyət Mərkəzi kollektivinin hazırladığı rəngarəng konsert proqramı ilə davam edib.
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
