ABŞ prezidenti Donald Tramp müdafiə naziri Pit Heqsetə Oreqon ştatının Portlend şəhərində asayişi bərpa etmək və şəhərdə sənədsiz immiqrantlara qarşı əməliyyat keçirən ABŞ İmmiqrasiya və Gömrük Mühafizəsi (ICE) obyektlərini qorumaq üçün bütün mövcud hərbi qüvvələri yerləşdirməyi əmr edib.
AFN.az xəbər verir ki, bu barədə Ağ Evin mətbuat katibi Karolin Levitt brifinqdə bildirib.
"Prezident nazir Heqsetə müharibədən dağılmış Portlendi və Antifa və digər solçu yerli terrorçuların hücumu altında olan hər hansı ICE obyektlərini qorumaq üçün bütün lazımi qoşunları təmin etməyi tapşırıb" - deyə Levitt bildirib.
Sentyabrın 27-də Tramp “daxili terrorizm”lə mübarizə üçün Milli Qvardiya qoşunlarının Portlendə göndərilməsi barədə göstəriş verib. Amerika lideri lazım olduqda bütün gücdən istifadə etməyə icazə verib.
