"SHOT" Telegram-kanalı yerli sakinlərə istinadən xəbər verir ki, Moskva vaxtı ilə səhər saat 3:00 radələrində şəhərin üstündəki səmada parıltı və partlayışlar görünüb.
“Surqutneftegaz” şirkətinə məxsus Kirişi Neft Emalı zavodu ildə 20 milyon tondan çox istehsalgücü ilə Rusiyanın ən böyük 10 neft emalı zavodundan biridir. Daha əvvəl də müəssisə dron hücumlarının hədəfi olub.
“Çerniqovoblenerqo” strukturuna istinad edən Ukrayna mediası, oktyabrın 4-nə keçən gecə Rusiya ordusunun, öz növbəsində, Ukraynanın Çerniqov vilayətində enerji sisteminə yenidən hücuma keçdiyini yazır.
“Hücum nəticəsində bir neçə mühüm enerji təchizatı obyektinə ziyan dəyib. Enerji kəsintiləri təxminən 50 min istehlakçıya təsir göstərib. Elektrik şirkətləri artıq bərpa işlərinə başlayıb”,- mэlumatda deyilir.
Açıqlamada bildirilir ki, Rusiyanın bölgədəki kritik infrastrukturun kütləvi şəkildə bombalanmasından sonra regionun elektrik şəbəkəsində ümumi vəziyyət kritik olaraq qalır. Nəticədə oktyabrın 1-dən rayonda elektrik enerjisinin verilməsində ciddi fasilələr qrafiki tətbiq edilib.
— Newsfeed (@Newsfeed883920) October 4, 2025
Sahil İsgəndərov
AzVision.az
