Qırğızıstanda ölüm hökmünün bərpası ilə bağlı qanun layihəsi referenduma çıxarıla bilər.
Yeniavaz.com xəbər verir ki, o bu barədə Bişkekdə “Kabar” dövlət informasiya agentliyinə müsahibəsində Qırğızıstan Prezidenti Sadır Japarov bildirib.
Onun sözlərinə görə, konstitusiyaya dəyişikliklərlə bağlı qanun layihəsi əvvəlcə ictimai müzakirəyə çıxarılacaq. Bundan sonra Konstitusiya Məhkəməsi layihəyə öz rəyini verəcək. Ondan sonra bu məsələni ümumxalq səsverməsi yolu ilə həll etmək olar.
Prezident xatırladıb ki, hazırda Qırğızıstanda ölüm hökmü qadağandır və hər kəsin yaşamaq hüququ var.