Almaniya kansleri Fridrix Merz ABŞ Prezidenti Donald Trampla telefon danışığı aparıb, bu zaman tərəflər Qəzzadakı vəziyyəti müzakirə edib və münaqişənin tezliklə həllinin, eləcə də HƏMAS-ın saxladığı israilli girovların azad edilməsinin vacibliyini bəyan edib.
Axar.az xəbər verir ki, bunu Almaniya hökumətinin rəsmi nümayəndəsi Ştefan Kornelius deyib.
"Onlar Qəzzada baş verənləri müzakirə ediblər. Onlar Misirdə keçiriləcək danışıqlarda tezliklə razılığa gəlməyin zəruriliyini vurğulayıblar. Bütün girovlar azad edilməli, döyüşlər dayandırılmalı və HƏMAS silahlarını yerə qoymalıdır",- o bildirib.
Onun sözlərinə görə, iki ilə yaxın Fələstin-İsrail münaqişəsindən sonra sülhün vaxtı çatıb.
