Lakin tarix heç vaxt ədalətsiz qərarların üzərində qalmır. 2023-cü ilin sentyabrında Azərbaycan Ordusunun həyata keçirdiyi "Yerində antiterror tədbirləri" nəticəsində Xankəndi yenidən doğma Vətənə qovuşdu. Azərbaycanın suverenliyi tam bərpa olundu, separatçı ünsürlər zərərsizləşdirildi və erməni şovinizminin əsrlər boyu qurduğu saxta "vilayət" mifologiyası tarixin arxivinə göndərildi.
Bu gün Xankəndi yenidən türk şəhəridir və adını, kimliyini və ruhunu geri alıb. Şəhərin küçələrində Azərbaycan bayrağı dalğalanır, əzəli sakinlərin izi, Qarabağ torpağının nəfəsi hiss olunur. Dövlət qurumları fəaliyyətə başlayıb, infrastruktur bərpa edilir, azadlıqdan doğan həyat yenidən canlanır.
Xankəndinin hekayəsi sadəcə bir şəhərin deyil, bütün Azərbaycan xalqının əzmini, dözümünü və ədalət uğrunda mübarizəsini simvolizə edir. Bir əsr əvvəl zorla dəyişdirilən bir adın bu gün yenidən dirilməsi tarixi ədalətin və milli iradənin qələbəsidir. Bu gün Qarabağ, bu gün Xankəndi azaddır. Və hər kəs görür ki, ədalət gec gələ bilər, amma gəlməyə bilməz".
Təklifinizi, şikayətinizi bizə yazın. Sizi dinlərik. 055 634 88 31
