Fransada siyasətçilər ölkə prezidenti Emmanuel Makronu istefaya çağırıb.
APA xəbər verir ki, bu barədə “Le Parisien” qəzeti məlumat yayıb.
Siyasətçilər arasında “La France Insoumise” partiyasının lideri Jan Luk Melenşon və Kan şəhərinin meri David Lisnard da var.
Siyasi fiqurlar Baş nazir Sebastian Lekornyunun istefası fonunda ölkənin siyasi xaosda olduğunu və bunun əsl səbəbkarının Emmanuel Makron olduğunu iddia edirlər.
Qeyd edək ki, Fransa Baş naziri Sebastian Lekornyu bu gün istefa verib.
O, bir aydan az müddət vəzifədə qalıb.
