Ödəniş kartları ilə ölkə daxilində aparılan nağdsız ödəniş dövriyyəsinin 87%-i elektron ticarətin payına düşür.
Teleqraf xəbər verir ki, bu barədə Banklar Assosiasiyasının prezidenti Zakir Nuriyev Bakıda keçirilən "Baku Fintech Forum 2025" tədbirində bildirib.
Onun sözlərinə görə, elektron ticarət son illərdə sıçrayışla inkişaf edir:
"Bu inkişaf tendensiyasının daha davamlı olması, kiçik və orta sahibkarlıq subyektlərinin elektron ticarətə cəlb edilməsi, habelə maliyyə xərclərinə qənaət baxımından, elektron ticarətdə ödəniş əməliyyatları üzrə hesablaşma müddətləri iştirakçılar arasında müstəqil qaydada tənzimlənməlidir".
