HƏMAS hərəkatı könüllü olaraq tərksilah olmasa, ABŞ bunu zorla edəcək.
Senzor.az yerli KİV-ə istinadən bildirir ki, bunu ABŞ Prezidenti Donald Tramp Ağ Evdə argentinalı həmkarı Xavyer Mileylə görüşü zamanı jurnalistlərin suallarını cavablandırarkən deyib.
Tramp HƏMAS-ın necə silahsızlaşdırılacağı barədə ətraflı açıqlama verməkdən imtina edib.
“Bunu sizə izah etmək öhdəliyim yoxdur. Onlar bilirlər ki, biz oyun oynamırıq”, – deyə ABŞ administrasiyasının rəhbəri qeyd edib.
Onun sözlərinə görə, Vaşinqton HƏMAS-ın tərksilah olmasını “məqbul bir müddət” ərzində gözləyir.
