İtaliyanın məşhur “Tuttosport” nəşri “Golden Boy-2025” – ilin ən yaxşı gənc futbolçusu mükafatına namizədlərin yekun siyahısını açıqlayıb. Metbuat.az xəbər verir ki, siyahıda “Real Madrid”in futbolçusu Arda Güler, eləcə də Pau Kubarsi (“Barselona”), Kenan Yıldız (“Yuventus”), Leni Yoro (“Mançester Yunayted”), Uorren Zair-Emeri (PSJ) və Maylz Luis-Skelli (“Arsenal”) kimi adlar diqqət çəkir.Qeyd edək ki, mükafata ümumilikdə 20 futbolçu namizəd göstərilib. Qalib ənənəvi olaraq Avropanın idman jurnalistlərinin səsverməsi nəticəsində müəyyən olunacaq.