Pakistanın Svat bölgəsində bir yük maşınının uçuruma aşması nəticəsində 15 nəfər ölüb, 8 nəfər yaralanıb.
Geo News-un xəbərinə görə, bu gün Svat Avtomobil Yolunda hərəkətdə olan yük maşını hələlik müəyyən edilməyən səbəbdən yoldan çıxaraq uçuruma yuvarlanıb.
Təcili yardım qrupları bildiriblər ki, qəzada əksəriyyəti uşaq olmaqla 15 nəfər həyatını itirib, 8 nəfər isə yaralanıb.
Qruplar əlavə ediblər ki, səhiyyə müəssisələrinə çatdırılan yaralılardan bəzilərinin həyati təhlükəsi mövcuddur.
