Rusiya ilə ABŞ arasında tunel tikintisi perspektivi mövcuddur.
Milli.Az xəbər verir ki,bu barədə Rusiya Birbaşa İnvestisiya Fondunun (RDIF) rəhbəri Kirill Dmitriyev bildirib. O, oktyabrın 16-da "X" sosial şəbəkəsində paylaşım edib.
Dmitriyev qeyd edib ki, RDIF artıq sərmayə qoyub və tarixdə ilk Rusiya-Çin dəmir yolu körpüsünü tikib.
"Artıq daha böyük layihələr görməyin və bəşər tarixində ilk dəfə qitələri birləşdirməyin vaxtıdır. Rusiya ilə ABŞ-ı birləşdirməyin vaxtı çatıb", - o yazıb.
Məlumata görə, bu tunel səkkiz il ərzində Berinq boğazı vasitəsilə Rusiya Federasiyası ilə Alyaskanı birləşdirə bilər. Tikinti xərci isə 8 milyard dolları aşmayacaq.
Fidan
Milli.Az
