Vaşinqton, 17 oktyabr, AZƏRTAC
Macarıstan görüşünün neçə tərəfli olacağını müəyyənləşdirmək lazımdır, amma bu, çox güman ki, ikitərəfli görüş olacaq.
AZƏRTAC-ın məlumatına görə, bu sözləri ABŞ Prezidenti Donald Tramp Ağ Evdə ukraynalı həmkarı Volodimir Zelenski ilə geniş tərkibdə görüş zamanı jurnalistlərin sualına cavabında deyib. O bildirib ki, Prezident Zelenski ilə təmasda olacaq.
“İki prezident arasında çox pis ədavət var. Çox çətin vəziyyətdir. Bu iki lider bir-birini sevmir. Biz bunu hamı üçün rahat etmək istəyirik. Beləliklə, bu və ya digər formada üç tərəf bu işə cəlb olunacaq, lakin bu, ayrı-ayrılıqda ola bilər”, - deyə Tramp qeyd edib.
Məlahət Nəcəfova
AZƏRTAC-ın xüsusi müxbiri
Vaşinqton
