Bakıda təşkil olunan Millətlər Liqasının C qrupunun son oyunundan sonra bağlanış və mükafatlandırma mərasimi keçirilib.
Aznews.az xəbər verir ki, tədbir "Bayıl Arena"da baş tutub.
Mərasimdə Avropa Amputant Futbol Federasiyasının prezidenti Mateuş Vidlak, Azərbaycan Minatəmizləmə Agentliyinin (ANAMA) İdarə Heyətinin sədri Vüqar Süleymanov, AFFA-nın icraçı vitse-prezidenti Sərxan Hacıyev, C qrupunda mübarizə aparan ölkə təmsilçilərinin nümayəndələri və digər rəsmi qonaqlar iştirak ediblər.
Niderlanddan Eddi Neqers turnirin ən yaxşı qapıçısı, Azərbaycan millisindən Sənan Hacıyev C qrupunun ən yaxşı futbolçusu, Ukraynadan Dmitro Şeheleski ən yaxşı gənc oyunçu seçilib.
