ain.az, Unikal.az portalına istinadən məlumatı açıqlayır.
Yaşlı insanlarda dişlərin sürətlə itirilməsi erkən ölüm riski ilə əlaqəli ola bilər.
"Unikal" xəbər verir ki, bu barədə Çinin Siçuan Universitetinin alimləri araşdırma aparıblar.
Tədqiqatda 8073 yaşlı şəxs iştirak edib. Onların sağlamlıq vəziyyətinə orta hesabla 3,5 il ərzində nəzarət olunub. Nəticələr göstərib ki, insan nə qədər tez dişlərini itirirsə, ölüm riski bir o qədər yüksək olur - bu, hətta ilkin mərhələdə dişlərin sayı az olsa belə müşahidə olunub.
Bu əlaqə yaş, cins, təhsil səviyyəsi, fiziki aktivlik, siqaret çəkmə və alkoqol istifadəsi kimi amillər nəzərə alındıqdan sonra da qüvvədə qalıb. Alimlər vurğulayıblar ki, diş itkisi birbaşa ölümün səbəbi deyil. Lakin bu hal orqanizmdə gizli gedən proseslərin xroniki iltihab, ürək-damar xəstəlikləri və ya maddələr mübadiləsi pozğunluqlarının göstəricisi ola bilər.
Bundan əlavə, dişsizlik düzgün qidalanmanı çətinləşdirir, vacib qida maddələrinin qəbulunu azaldır və orqanizmin ümumi zəifləməsinə səbəb olur.
Seymur Əli
Sonrakı hadisələr barədə daha çox məlumat almaq üçün ain.az saytını izləyin.
