Fələstinin HƏMAS hərəkatı Qəzza zolağında atəşkəs razılaşmasının birinci mərhələsi çərçivəsində üzərinə düşən bütün öhdəlikləri yerinə yetirdiyinə inanır.
Bu barədə HƏMAS-ın sözçüsü Hazem Qassem teleqram kanalında məlumat yayıb.
“HƏMAS birinci mərhələni başa çatdırmaq üçün bütün şərtləri yerinə yetirib: o, canlı girovları azad edib və ölənlərin bir qisminin cəsədlərini təhvil verib. Hazırda qalan cəsədlərin götürülməsi və təhvil verilməsi üzərində işləyirik”, - o bildirib.
Hərəkatın sözçüsü əlavə edib ki, sövdələşmənin ikinci mərhələsinin həyata keçirilməsinə başlamaq üçün vasitəçilərlə əlavə danışıqlara ehtiyac olacaq, çünki sazişin ikinci mərhələsi birbaşa ətraflı müzakirə tələb edən məsələləri həll edir. \\Yeniavaz.com
