"Sabah"ın U-12 komandası Türkiyədə çempion oldu

Türkiyənin Antalya şəhərində keçirilən "Antalya Friendship Cup" turnirinə yekun vurulub.

"Football-plus.az" klubun saytına istinadən xəbər verir ki, "Sabah"ın U-12 komandası turnirdə uğurla çıxış edib.

Qrup mərhələsini birinci pillədə başa vuran Məhərrəm Müslümzadənin baş məşqçisi olduğu komanda, yarımfinalda Litvanın "Margiris", finalda isə Rusiyanın "Yunayted Yekaterinburq" komandasını məğlub edərək turniri birinci sırada, çempion kimi başa vurub.

Antalya Friendship Cup
Yarımfinal
Sabah - Margiris (Litva) 1:0
Cavidan Ağayev.

Final
Sabah - Yunayted Yekaterinburq (Rusiya) 3:0
Raul Pənahov, Abbas Hüseynli, Nihad Həsənov.