Azərbaycanın Yaponiyadakı səfiri geri çağırılıb. Bununla bağlı Azərbaycan Prezidenti İlham Əliyev Sərəncam imzalayıb.
Sənədə əsasən, Gürsel Qüdrət oğlu İsmayılzadə Azərbaycanın Yaponiyada fövqəladə və səlahiyyətli səfiri vəzifəsindən geri çağırılıb. Dövlət başçısının imzaladığı digər sənədə əsasən, Fərid Yunis oğlu Talıbov həmin posta təyin edilib.
Musavat.com-un əldə etdiyi məlumata görə, bu təyinata qədər F.Talıbov Azərbaycan Xarici İşlər Nazirliyində Asiya idarəsinin rəis müavini idi.
Nigar HƏSƏNLİ,
Musavat.com
