ABŞ-da uçuşdan bir az əvvəl təcrübəli stüardessanın iştirak etdiyi qəribə bir hadisə baş verib...
Poliqon Rolling Out-a istinadən xəbər verir ki, 26 illik təcrübəsi olan aviaşirkət işçisi təsadüfən qəza çıxışı sistemini aktivləşdirib və bu da qəza çıxışı slaydının gözlənilmədən açılmasına səbəb olub.
Hadisə Pitsburqdan Solt Leyk Sitiyə yola düşməyə hazırlaşan Delta Airlines təyyarəsində baş verib. Təcili çıxışların uçuşdan əvvəl müntəzəm yoxlanılması zamanı stüardessanın təsadüfən qəza çıxışı slaydının açılma mexanizmini aktivləşdirib. Nəticədə təyyarəyə giriş bağlanıb və uçuş dörd saat təxirə salınıb.
Sərnişinlər hadisənin nəticələri aradan qaldırılana qədər kabinədə gözləməli olublar. Stüardessanın sözlərinə görə, bu, onun bütün karyerasında ilk dəfə baş verib. Aviaşirkətə dəyən ziyan təxminən 70.000 dollar həcmində qiymətləndirilir, çünki açılan pilləkənlər təmir edilə bilmir.
Bu məbləğə həmçinin gecikmiş sərnişinlər üçün kompensasiya və birləşdirici uçuşları qaçıranların biletlərinin yenidən bron edilməsi xərcləri daxildir.
Poliqon.info
