Rusiyanın bir neçə şəhərində hava limanlarının fəaliyyəti dayandırılıb.
Musavat.com xəbər verir ki, bu barədə Federal Hava Nəqliyyatı Agentliyinin (Rosaviasiya) sözçüsü Artem Korenyakov məlumat verib.
Onun sözlərinə görə, Vladiqavkaz, Qroznı və Samara hava limanlarında uçuşlar dayandırılıb.
Daha sonra Krasnodar, Ulyanovsk, Kazan və Çeboksar hava limanlarında da müvəqqəti məhdudiyyətlər tətbiq edilib.
Dron hücumları təhlükəsi fonunda Vladiqavkaz hava limanında “Xalça” rejimi elan olunub.
Axşam saatlarında Kaluqa, Volqoqrad, Saratov, Penza şəhərlərində, həmçinin Moskvanın Domodedovo və Jukovski hava limanlarında da uçuşlara məhdudiyyət qoyulub. Sonradan Domodedovo və Jukovskidə məhdudiyyətlər aradan qaldırılıb.
Moskva meri Sergey Sobyanin açıqlayıb ki, paytaxta doğru uçan bir dron vurulub. Daha sonra o, iki dronun da məhv edildiyini bildirib. Axşam saatlarında isə ümumilikdə üç dronun vurulduğu açıqlanıb. Səhər saatlarında isə daha bir PUA barədə məlumat verilib.
“RBC” nəşrinin məlumatına görə, Saratov Hava Limanında uçuşlara düşməsinə müvəqqəti məhdudiyyət qoyulub. Qonşu Volqoqrad vilayətində də dron təhlükəsi elan edilib və Volqoqrad hava limanı bağlanıb.
Rosaviasiya həmçinin Kaluqa vilayətindəki Qrabtsevo hava limanında da məhdudiyyətlər tətbiq edib. Dron təhlükəsi səbəbindən Penza Hava Limanı da bağlanıb.
Rusiya Müdafiə Nazirliyinin məlumatına görə, Moskva vaxtı ilə 20:00-dan 23:00-a qədər hava hücumundan müdafiə qüvvələri ölkənin altı bölgəsi üzərində 57 Ukrayna dronunu ələ keçirib.
Rəsmi məlumata əsasən:
Bryansk üzərində 35,
Rostov üzərində 9,
Kaluga, Tula və Moskva bölgələrinin hər biri üzərində 4,
Kursk bölgəsi üzərində isə 1 dron vurulub.
Musavat.com
