Türkiyə 1-ci Liqa komandası “Serik Bələdiyəspor” baş məşqçisi Sergey Yuranla yollarını ayırıb.
QOL.az xəbər verir ki, bu barədə klubun mətbuat xidməti məlumat yayıb.
Bildirilir ki, 56 yaşlı mütəxəssislə müqaviləyə qarşılıqlı razılıq əsasında xitam verilib.
Xatırladaq ki, Yuran komandaya yayda gətirilmiş və onunla bir mövsümlük müqavilə imzalanmışdı. Hazırda “Serik Bələdiyəspor” 13 xalla turnir cədvəlinin 14-cü pilləsində qərarlaşıb.
Qeyd edək ki, Yuran əvvəlcə Azərbaycan təmsilçisi “Simurq”da da baş məşqçi kimi fəaliyyət göstərib.
