Ajans.az The New York Times-a istinadən xəbər verir. Nəşrin yazdığına görə, Trampın son aylarda “cənnət” mövzusuna toxunduğu çıxışları əsasən Qəzzada atəşkəsin əldə olunması və Ukraynada sülh sazişi ilə bağlı danışıqlar kontekstində olub. “O, bu təşəbbüsləri sanki öz mənəvi xilası üçün arqument kimi təqdim edirdi,” — deyə qəzet yazır. Məqalə müəllifləri qeyd edirlər ki, ictimai çıxışlarında özünütəhlil və mənəvi mövzulardan az danışan Tramp üçün bu cür ifadələr qeyri-adi sayılır. Eyni zamanda, Trampın bəzi dini tərəfdarları onun bu bəyanatlarını, prezidentin “yaşıdları ilə eyni ekzistensial suallarla mübarizə apardığını” göstərən bir işarə kimi qiymətləndiriblər.
