Fransada hər hansı bir seksual akt açıq razılıq olmadan törədilərsə, zorakılıq hesab ediləcək.
AFN.az "Agence France-Presse"ə istinadən xəbər verir ki, bu barədə Fransa Parlamenti qanun qəbul edib.
Senatda səsvermə nəticəsində “razılıq” anlayışı zorakılığın cinayət tərifinə daxil edilib. Qanuna əsasən, “hər hansı bir seksual akt razılıq olmadan seksual zorakılıq sayılır”. Qanun bir neçə gün ərzində Fransa Prezidenti Emmanuel Makron tərəfindən imzalanacaq.
Razılıq açıq, azad və şüurlu olmalıdır, qanunda bu kriteriyalar dəqiq şəkildə müəyyənləşdirilib.
Əvvəlki qanuna görə, Fransa hüququnda seksual zorakılıq "şiddət, təzyiq, təhdid və ya qəfil hadisə ilə törədilən hər hansı seksual hərəkət” kimi təsnif edilirdi.
AFP qeyd edir ki, bu addımdan sonra Fransa Kanada, İsveç, İspaniya və Norveçə qoşulub; həmin ölkələr də 2025-ci ilin yazında qanunvericilikdə oxşar dəyişikliklər edib.
