Portuqaliyalı hücumçu Kriştiano Ronaldonun oğlu Junior milli formanı ilk dəfə geyinib.
90deqiqe.Az-ın məlumatına görə, 15 yaşlı futbolçu Türkiyə ilə oyunda meydanda debüt edib. O, qarşılaşmanın son dəqiqəsində meydana daxil olub.
Portuqaliya U-16 komandası matçı 2:0 hesabı ilə qalib başa vurub.
Hazırda “Əl-Nəsr” akademiyasında yetişən Junior atasının yolunu davam etdirir.
Xatırladaq ki, Kriştiano Ronaldo 2023-cü ilin yanvarında “Əl-Nəsr”ə transfer olunub. 40 yaşlı hücumçunun klubla müqaviləsi 2027-ci ilə qədər qüvvədədir. Onun bazar dəyəri Transfermarkt tərəfindən 12 milyon avro olaraq qiymətləndirilib.
