Braziliya millisinin baş məşqçisi Karlo Ançelotti Çempionlar Liqasının cari mövsümündə favorit komandalardan danışıb.
90deqiqe.Az “Tuttosport”a istinadən xəbər verir ki, italiyalı mütəxəssisin sözlərinə görə, hər il turnirdə eyni komandalar əsas iddiaçılar sırasındadır:
“Bu turnirdə hər zaman eyni favoritlər olur: "Real", PSJ, "Mançester Siti" və "Bavariya". İlk turlarda çoxsaylı qolların vurulduğu, eyni zamanda gözlənilməz nəticələrin qeydə alındığı oyunlar izlədik. Bu, bəzən azarkeşlərin marağını azalda bilər. Qrup mərhələsinin genişləndirilməsi turniri daha cəlbedici etmək məqsədi daşıyır. Bununla razılaşmaq lazımdır”
Qeyd edək ki, Çempionlar Liqasının ümumi mərhələsində üç turdan sonra “PSJ” 9 xalla birinci, “Bavariya” 9 xalla ikinci, “Real” 9 xalla beşinci, “Mançester Siti” isə 7 xalla yeddinci pillədə qərarlaşıb.
