Estoniyanın Rusiya ilə sərhədində yerləşən Narva-Yıesu bölgəsində 250 kq-lıq aviasiya bombası aşkar edilib. SİA xəbər verir ki, bu barədə "Postimees" məlumat yayıb. Sursat meşədə gəzən yerli sakin tərəfindən təsadüfən aşkar edilib. Mütəxəssislər tez bir zamanda hadisə yerinə gəlib və sursatın aviasiya bombası olduğunu müəyyən ediblər. İlkin məlumatlara görə, bu, İkinci Dünya Müharibəsinə aid bomba ola bilər. Döyüş sursatının təhlükəsiz şəkildə məhv edilməsi planlaşdırılır.
