İspaniyanın nəhəng klubu “Barselona” gələn mövsüm üçün hücum xəttində böyük dəyişiklik etməyə hazırlaşır.
Fanat.Az xəbər verir ki, "Football-Espana" nəşrinin məlumatına görə, Kataloniya klubu “Bayern Münhen”in ulduzu Harri Keyni transfer hədəfinə alıb.
Mənbənin məlumatına əsasən, “Barselona” rəhbərliyi 31 yaşlı hücumçunu gənc superulduz Lamin Yamalla birləşdirərək həm təcrübə, həm də gənclik enerjisini bir kompozisiyada cəmləmək istəyir. Klubun idman direktoru Dekunun bu keçid üçün artıq ilkin danışıqlara başladığı da bildirilir.
Keyn Almaniyada keçirdiyi ilk mövsümdə heyranedici məhsuldarlıq nümayiş etdirib. Lakin ailəsinin İspaniyada yaşamaq istəyi və futbolçunun yeni çağırış axtarışında olması bu transferin reallaşma ehtimalını artırıb.
“Barselona”nın maliyyə vəziyyəti transferi çətinləşdirsə də, klub rəhbərliyi sponsor dəstəyi və oyunçu satışları hesabına Keyn üçün rəsmi təklif hazırlamağı planlaşdırır. Əgər bu keçid baş tutarsa, 2026-cı ilin yayında futbol dünyası “Əsrin transferi” ilə sarsıla bilər.
Kamil Xudiyev
