Apa.az saytından alınan məlumatlara görə, ain.az xəbər verir.
Abşeron yatağı 2029-cu ildə neft və qaz hasilatında artımın əsas mənbəyi olacaq.
APA-nın xəbərinə görə, bu, Milli Məclisin İqtisadi siyasət, sənaye və sahibkarlıq komitəsinin bu gün keçirilən iclasında müzakirəyə çıxarılan “Azərbaycan Respublikasının 2026-cı il dövlət büdcəsi haqqında” qanun layihəsində əksini tapıb.
Beləliklə, 2029-cu ildən etibarən Azərbaycan üzrə neft və qaz hasilatında artım gözlənilir.
Artımın əsas mənbəyi Abşeron qaz-kondensat yatağının tam miqyaslı işlənməsi olacaq.
Proqnozlara görə, 2025-ci ildə ölkə üzrə neft hasilatı 28,6 milyon tondan 2026-cı ildə 27,6 milyon tona, 2027-ci ildə 27,1 milyon tona, 2028-ci ildə isə 26,6 milyon tona kimi azalacaq. Abşeron yatağının ikinci mərhələsinin istismara verilməsi isə 2029-cu ildə neft hasilatını 27,4 milyon tona yüksəldəcək. Bu isə 2028-ci illə müqayisədə 0,8 milyon ton və ya 3 faiz artım deməkdir.
Sənədə əsasən, qaz hasilatında da oxşar dinamika müşahidə olunacaq. 2025-ci ildə Azərbaycanda qaz hasilatı 38 milyard kubmetr, 2026-cı ildə 36,7 milyard kubmetr, 2027-ci ildə 36,7 milyard kubmetr, 2028-ci ildə isə 34,5 milyard kubmetr səviyyəsində gözlənilir.
Abşeron yatağının istismarı ilə 2029-cu ildə qaz hasilatın 37 milyard kubmetrə çatacağı proqnozlaşdırılır. Bu da 2028-ci illə müqayisədə 2,5 milyard kubmetr və ya 7,2 faiz artım deməkdir.
Sonrakı hadisələr barədə daha çox məlumat almaq üçün ain.az saytını izləyin.
