Bizimyol saytından alınan məlumata görə, ain.az bildirir.
Almaniya hökuməti gələn il Ukraynaya maliyyə yardımını təxminən 3 milyard avro artırmağı planlaşdırır.
Bizimyol.info xəbər verir ki, bu barədə "Handelsblatt" qəzeti Nazirlər Kabinetindəki mənbələrə istinadən məlumat yayıb.
Qəzet qeyd edib ki, 2026-cı il dövlət büdcəsində Kiyevə dəstək üçün 8,5 milyard avro ayrılıb. Verilən məlumata görə, əlavə 3 milyard avro ayırmaq qərarı qəti deyil; koalisiya daxilində danışıqlar davam edir, lakin Ukraynaya verilən vəsaitin artırılmasının zəruriliyi barədə fikir birliyi var.
Almaniya hökuməti bu məsələni müzakirə üçün Bundestaqa çıxarmaq niyyətindədir. Almaniya parlamentində 2026-cı il üçün büdcə layihəsi ilə bağlı müzakirələr gələn həftə başa çatacaq. Almaniya Maliyyə Nazirliyinin müvafiq düzəlişləri 7 noyabrda parlamentin büdcə komitəsinə təqdim etməsi gözlənilir.
Berlin Kiyevə yardımın artırılmasına ehtiyacı Ukraynadakı mövcud vəziyyətlə əlaqələndirir. Onlar münaqişədən bəri "ən sərt qış" gözləyirlər.
Nəşr xatırladıb ki, ölkənin növbəti dörd il ərzində ehtiyacları təxminən 340 milyard avro olaraq qiymətləndirilir.
Bu arada, ABŞ maliyyə yardımını əsasən dayandırıb və Aİ liderləri Ukraynanı dəstəkləmək üçün Avropadakı dondurulmuş Rusiya aktivlərindən istifadə barədə razılığa gələ bilməyiblər. "Handelsblatt"ın məlumatına görə, Almaniya hökuməti iddia edir ki, ikitərəfli yardımı artırmaqdan başqa bir seçim görmür.
Bu arada, Almaniyanın büdcəsində bir "boşluq" yaranacaq və bu, 2029-cu ilə qədər 170 milyard avroya qədər artacaq.
Qadir, Bizimyol.info
Daha ətraflı məlumat və yeniliklər üçün ain.az saytını izləyin.
